20 dic 2016

NADAL DE LIBRO!          

Xa están aquí as festas de Nadal; vacacións, tempo de inverno,  de reunións familiares e de amigos, de lecer, e de ler xunto á chiminea, -os que a teñan-, ou da cociña de leña.
Para todos e todas ós que esto lles pareza un bo plan, temos na biblio un montón de libros e de películas esperándovos para acompañarvos nestas festas. Ao lado da nosa árbore de Nadal podedes atopar un montón de títulos de moi diversas e interesantes  temáticas.

Mirade que acolledora quedou Afonsa:



Hugo e Diego, de FP.B, axudando coa decoración navideña.

Preciosa árbore minimalista que fixeron os alumnos de FP.B

Escolma de libros para estas Festas


Gracias a todos pola vosa colaboración!

                     
 FELICES FESTAS A TODOS!!!









MANNEQUIN CHALLENGE NAVIDEÑO DO IESP FONTEM ALBEI!!!










16 dic 2016

AIREANDO OS DEREITOS HUMANOS

 O 10 de Decembro celebramos o Día dos Dereitos Humanos e nesta ocasión vamos "sacar a airear" esos trinta artigos para refrescar a nosa memoria e a de todos en xeral, xa que  ás veces parece que nos olvidamos da súa existencia e cumplimento. Para elo colgámolos á entrada da biblioteca para que todo aquel que entre e se atope con eles, teña en conta a súa existencia. Esperamos que sacar a airealos conleve telos sempre presentes como algo que é connatural ao ser humano, e tamén esperamos que non estean "collidos con  pinzas" senón ben afianzados na nosa sociedade.






2 dic 2016

MANIFESTÁNDONOS CONTRA A VIOLENCIA DE XÉNERO

Os alumnos de 4º ESO  foron os encargados de presentar o acto que, retrasado pola neve, estaba previsto para o 25 de Novembro con motivo do Día contra a Violencia de Xénero. A visualización duns cortos sobre este gran problema social iniciou a toma de conciencia da nosa comunidade educativa cara a esta lacra social. Logo o manifesto contra iste tipo de violencia, elaborado por Nía Perona  e  Laura  Fernández, leuno María Rodríguez en galego, Belén en inglés e Luis Ángel e Diego en francés. Temos que agradecer a colaboración das profes de francés, Paula Ballesteros, e de inglés, Mª Jesús Suárez, que fixeron a tradución do manifesto.
O rexeitamento á violencia tamén quedou patente dende o magnífico poema  de Fabián Niño, de 4º da ESO.
Tamén leron Érica e Laura uns microrrelatos ben apañadiños, e a profe de Galego, Delia, leu o seu que por certo resultou gañador no concurso convocado polo concello de Burela. 
Os gañadores e gañadoras dos concursos de  lemas e carteis contra a violencia de xénero, foron agasallados, simbólicamente, cunha doce rosa de gominola, xa que ao final de curso entregaránselles os premios como todos os anos. No concurso de lemas o 1º premio foi para María e Pedro, de 4º da ESO e o 2º foi para Clara, Rocío e Iris, de 1º de BAC. Por suposto houbo unha mención especial do xurado para Osvaldo, de 1º de Bac,, artífice do lema  que deu título á nosa exposición sobre á violencia contra a muller.   No que respecta ao concurso de carteis, o 2º premio quedou en 2º da ESO xa que gañou Celia e o 1º premio levouno Marta de 1º ESO.
Para rematar o acto fixemos unha solta de globos violetas como homenaxe a todas as mulleres asasinadas iste ano a mans das súas parellas ou exparellas.



 





























29 nov 2016


"POR QUE TANTA VIOLENCIA? 

XA PARECE TENDENCIA"

O día 25 non puidemos levar a cabo os actos que tiñamos previsto para manifestarnos en contra de todo tipo de violencia contra a muller xa que unha boa nevada impediu que se desenvolveran as clases con normalidade. 
Pero non importa porque todos os días son bos para mostrar o noso reixetamento a este tipo de problemas sociais, así que nesta semana esperamos desenvolver o noso acto de repulsa á este tipo de violencia. No panel da entrada da biblio pódense ver os lemas e os carteis contra a violencia de xénero que os alumnos fixeron para participar nos concursos convocados pola biblioteca.
Tamén está exposto o mural que elaboraron alumnos e alumnas de 3º e 4º da ESO no que se manifesta a capacidade da educación para previr a violencia entre homes e mulleres dende a coeducación. Hai referencias a poemas de Federico García Lorca, e de Carmen Blanco, escritora e profesora lucense que nos ten acostumados a  unha defensa da muller dende a literatura.
O lema que eleximos para ilustrar a nosa denuncia hacia os malos tratos á muller é : "Por que tanta violencia? Xa parece tendencia", lema de Osvaldo Suárez de 1º de Bac

BASES DOS CONCURSOS DE LEMAS E CARTEIS



POEMA DE CARMEN BLANCO

MANIFESTO ELABORADO POR NÍA E LAURA, DE 4º ESO

EDUCACIÓN EN IGUALDADE

PANEL CONTRA A VIOLENCIA DE XÉNERO

POEMA DE CARMEN BLANCO
 

27 nov 2016

Cousas que contar do mes de Novembro


Ás veces van quedando cousas sen contar, que non sen facer...

Formación de novos usuarios da Biblio

Neste curso os novos membros da nosa biblioteca aprenderon como se buscan os libros nunha biblioteca tendo en conta a CDU. Familiarizáronse cos lugares donde están colocados os libros das diferentes materias e ademáis divertíronse aprendendo xa que participaron nun concurso no que  tiñan que buscar unha serie de libros, revistas, películas e ata o nome dalgunha bibllioteca ou libraría da exposición que temos estes tempos sobre Curiosas Bibliotecas e Librarías de España. Participaron por grupos e axudados por algúns alumnos e alumnas de 4º da ESO. Gañou o grupo que rematou máis axiña. Os gañadores foron Rocío García Ruíz, Laura Neira Ortíz e Marcos Murias Pérez, agasallados con mochilas e axendas. Os membros do grupo que quedou en segundo lugar tamén levaron unhas bolsiñas ben xeitosas máis unhas axendas.


Pasárono ben e mostraron interese por saber da biblioteca
Lendo historias de medo
Iso foi o que estiveron facendo os rapaces e rapazas de 3º da ESO nunha tarde do xoves na biblioteca, logo de rematar de decorala,  como preludio da celebración do 1 de Novembro e co obxectivo de deixar patente que o espíritu do Samaín/Halloween está vivo no noso centro. Non sabemos si a todos lles percorreu o medo polas  súas almas ou non, pero ler leron de medo que era do que se trataba, ou non? 


                                        


23 nov 2016


25 DE NOVEMBRO

Xa se achega esa data na que seguimos reivindicando unha igualdade entre homes e mulleres que parece non se acada nunca. É difícil chegar a comprender que continúe habendo que contabilizar mortes por violencia de xénero, e aínda resulta máis paradóxico que a idade das vítimas cada vez sexa menor. Os casos de violencia, xa sexa verbal ou física, entre adolescentes, parecen incrementarse nunha sociedade que se ten por "progresista". A sinrazón asómase  cando escoitamos noticias nas que rapaces de 14, 15, e incluso menos anos, agreden ás súas parellas por mirar a outro, por levar roupa "pouco adecuada"...
Entendemos menos aínda que esos rapaces interioricen certos tópicos machistas presentes na sociedade. Xa se sabe, hoxe bautizamos o mesmo concepto doutro xeito, chámalle micromachismos ou chámalle x, e quedamos tan contentos. É máis do mesmo.
Pero seguimos intentando que non ocurran esas cousas e para elo vamos a unha das raíces do problema: os valores que a educación nos pode aportar para previr unha violencia estructural. Coa finalidade de concienciar sobre este grave problema social, este ano os alumnos e alumnas de 1º e 2º, e 3º  da ESO  elaborarán cada un un  cartel contra a violencia de xénero. E os alumnos de 4º e 1º de Bac presentarán un lema no que expresen o seu rexeitamento contra todo tipo de violencia contra a muller, xa sexa física ou psicolóxica.
 Ademáis 4º da ESO serán os redactores dun "manifesto contra a violencia de Xénero", traducido tamén a Inglés e Francés, que deixará patente o reixeitamento que  toda a nosa comunidade educativa sinte cara a esta lacra social.

27 oct 2016

CANDO PETAN NA PORTA POLA NOITE...




Este é o título dunha obra de Xabier P. Docampo que está composta por catro contos de misterio e medo. É un dos libros que forman parte da escolla que fixemos na biblio e que podedes levar para ler nestes terroríficossss días de Samaín/Halloween
Tendes varios libros do escritor finado recentemente, Agustín Fernández Paz, ente eles: "Cartas de inverno", "Aire negro", "As mans do medo", "Tres pasos polo misterio"," Noites de voraces sombras" e " A neve interminable". Algunhas delas xa as tedes que ler para a materia de Lingua Galega, así que mellor ocasión imposible, porque todas dan bastante medo!!!
En castelán podedes pasar un  momento de tremores con "Dos velas para el diablo" de Laura Gallego, "El doctor sueños" de Stephen King ou algunhas das clásicas obras de misterio e crímenes da mestra neste xénero Ágatha Christie.



   

24 oct 2016


24 DE OUTUBRO, DÍA DAS BIBLIOTECAS ESCOLARES




 Neste curso imos celebrar o 24 de Outubro, Día das Bibliotecas Escolares, cunha exposición sobre bibliotecas e librarías de España curiosas. Queremos evocar ese "olor a libro" e as súas conotacións de lugar acolledor e máxico no que se pode atopar a boa compañia dun libro ou incluso un bo viño, unha "barbacoa literaria"...
 E non é botarlle imaxinación, xa que na exposición podedes ver Bibliotecas que vos transportarán no tempo como a da Facultade de Xeografía e Historia en Santiago de Compostela; librarías nas que atopar unha variedade de bo viño como a  Libraría Biblioteca de Babel, en Palma de Mallorca; outras nas que poderás comentar as lecturas mentres saboreas unha carne á barbacoa como a Libraría Ambreta, en Valencia. 
Algunhas destacan  pola súa arquitectura , por exemplo a Biblioteca Pública de  Jaizkibel, en Guipúzcoa, que está considerada polo revista especializada en arquitectura, AD, na súa edición  alemana , como unha das dez bibliotecas máis belas do mundo. Tal título débese, segundo a publicación AD,  a que antigamente foi unha estación de tren e a súa remodelación resulta sostible e adecuada ao entorno.
Aínda  hai moitas máis bibliotecas e librarías de España dignas de visitar que non están aquí...
Entre todas  as que figuran na nosa exposición, atopamos  a Libraría Bardón  de Madrid, que data da postguerra española:





Biblioteca da Facultade de Xeografía e Historia (Santiago de Compostela)


Detalle da exposición.

30 sept 2016

BENVIDOS AO NOVO CURSO!

Aos que xa nos coñecemos, e aos alumnos e alumnas que forman por primeira vez parte da nosa comunidade educativa. A eles adicaremos boa parte do mes de Outubro, no que, como ben sabedes, celébrase o Mes das Bibliotecas Escolares. E como ven sendo habitual, faremos a formación de novos usuarios co fin de que todos coñezan a biblioteca do centro e aprendan a manexar os fondos dos que dispoñemos. Así mesmo entregarémoslles os carnés  para que dispoñan dos libros e películas que precisen.
Continuaremos facendo como o curso pasado no que os "voluntarios de biblioteca" contribuíran co seu saber e bon facer á iniciación dos novos usuarios. Para elo, explicaranlles o funcionamento da biblioteca pero tamén lles transmitirán o seu gusto pola lectura falándolles dalgunha obra significativa para eles.




22 jun 2016

FELIZ VERÁN E BOAS LECTURAS!!!

E chegou o final de curso! Dende a biblioteca desexamos que pasedes unha boa tempada de descanso e que nese tempo non olvidedes que cos libros podedes viaxar, soñar, divertirvos e coñecer lugares increíbles. Na entrada da biblio tedes unha boa mostra do que podedes ler neste verán.


 
 

9 jun 2016

DE PREMIO EN PREMIO NO FONTEM ALBEI !!! 

 
Parece que temos una canteira de escritores e poetas no noso centro porque aparecen premios por todas as  esquinas, e proba de elo son Claudia Fernández Villabrille co conto “A serea”,  Víctor Enríquez Álvarez co relato “O unicornio” e  Alba Díaz Barro co título  "Era un día normal e corrente”, que acadaron o primeiro, segundo e terceiro  premio , respectivamente,  do concurso do Día das Letras Galegas convocado pola Biblioteca Pública da Fonsagrada.
Pero ademáis a creatividade chega tamén á parte poética  xa que Fabián Niño, de 3º da ESO, gañou o 2º premio de poesía Rosalía de Castro.
Moitas felicitacións a todos polo voso traballo. Ben feito rapaces e rapazas!!!

18 may 2016

DÍA DAS LETRAS GALEGAS 2016 (II)

Dicen que " gallegos y asturianos, primos hermanos"... Saúl, Daniel, Martín. asturianos, e Miguel, galego de pura cepa. 
O venres 13 celebramos o Día das Letras Galegas no Fontem Albei coa lectura de poemas do homenaxeado Manuel María, por parte dos alumnos de 4º da ESO, e organizado polo departamento de Lingua Galega. Os poemas estaban expostos nunha presentación con imaxes alusivas á temática de cada verso. En breve estarán as fotos no Facebook do instituto.
Na biblioteca expuxemos a vida e obra do noso autor na bandeira de Galicia, terra pola que loitou tanto dende a política como dende a súa obra literaria, e tamén sacamos os fondos que todos tedes á vosa diaposición en Afonsa.


No corredor, un poema de Manuel María recórdanos a importancia do noso idioma, e xunto a el unha pequena homenaxe ao escritor finado iste 2016, Xosé Neira Vilas. E xa que todos @s alumnos do IES Fontem Albei leron a obra de Neira Vilas, Memorias dun neno labrego, algúns deles deixaron constancia por escrito da súa opinión respecto á obra máis leida e traducida da literatura galega.

 

12 may 2016

DÍA DAS LETRAS GALEGAS 2016 (I)                                 


 Iste 17 de Maio adícase o Día das Letras Galegas a Manuel María Fernández Teixeiro, ao que coñecemos como Manuel María. Naceu en 1929, en Outeiro de Rei (Lugo) e trasládase a Lugo para estudar o bacharelato e é nesta cidade onde comenza, moi noviño, o  seu percorrido polo mundo literario. 
A súa vida estivo moi relacionada coa política; traballou como Procurador dos tribunais en Monforte, participou clandestinamente na reorganización dos partidos nacionalistas aló polos axitados anos 60 e 70, e foi elexido concelleiro en 1970. Abandona a militancia política en 1985 e dende entón adícase exclusivamente á súa obra literaria e a labores culturais sempre relacionadas co impulso e defensa da lingua galega, ata a súa morte que tivo lugar no ano 2004 na cidade da  Coruña.
Manuel María deixounos unha obra extensa e que recolle diversidade de xéneros que van dende o ensaio, poesía, teatro...  

27 abr 2016



O video de Justa Señor do Día da Muller Traballadora,  elaborado pola profe de Plástica Mª José, o podedes ver dende aquí. En breve teremos o video da charla con Justa e Esperanza Abelairas.






25 abr 2016

DÍA DO LIBRO: DON QUIJOTE NO FONTEM ALBEI (II)

E seguimos a conmemorar o Día do Libro...
No Fontem Albei, o venres 22, levóuse a cabo unha lectura ininterrompida do Quijote, organizada polo departamento de Lingua Castelá, durante toda a mañá. Os alumn@s  leron por grupos, dous minutiños cada un, e no recreo tocóulles o turno aos profes e profas.
Como telón de fondo tiñamos a exposición que o Equipo da Biblioteca fixo sobre Cervantes, O Quijote e as viñetas de Forges sobre estos personaxes. Tamén sacamos os fondos da  nosa biblioteca sobre a vida e obra de Cervantes, as súas obras e todo o relacionado con elas para a exposición . Ata tiñamos muíños de vento!!!. Un deles xa estaba no centro e os outros dous foron obra de laboriosas alumnas de 1º da ESO.

Deixámosvos algunhas das fotos da celebración. Podedes velas todas próximamente no Facebook do instituto.

O alumnado de 1º da ESO deixou constancia do significado que ten a lectura nas súas vidas.






































14 abr 2016

DÍA DO LIBRO: CERVANTES, O QUIJOTE... E FORGES (I)



Neste mes de Abril temos unha conmemoración moi especial pois o 23 celébrase o Día do libro. E xa que este ano 2016 cúmplese o IV Centenario do pasamento do noso escritor en Lingua Castelá máis ilustre, Miguel de Cervantes Saavedra (1547-1616), dende Afonsa aproveitaremos para recordar a súa vida e obra, especialmente  a súa obra máis coñecida e recoñecida, Don  Quijote de la Mancha.
Polo tanto, o Día do libro no Fontem Albei terá como protagonistas a Cervantes, ao cabaleiro Don Quixote e o seu fiel escudeiro e tamén a alguien que retratou, e sigue facendoo de forma marxistral, a estos personaxes. Referímonos a Forges. 
Durante todos os anos que leva publicando as súas viñetas no diario El País, Forges describiu infinidad de veces tanto  a Quixote e a Sancho como ao seu creador. A través de tan ilustre parte da nosa literatura cóntanos problemáticas do presente, acercando a cultura literaria ao humor e á información máis actual.
Sendo o noso obxectivo principal fomentar a importancia da lectura entre o noso alumnado, pensamos que igual a través do humor non sería mal camiño para coñecer un pouco máis a istes personaxes literarios e de aí que estemos preparando unha mostra das viñetas de Forges. Buscando as viñetas de Forges sobre O Quixote, atopamos unha exposición da Biblioteca da Universidade Complutense de Madrid, moi interesante e que podedes ver aquí.
A nosa será máis modestiña pero esperamos que sirva igualmente para acercar aos nosos lectores a ditos personaxes e á importancia da lectura en xeral.
Iremos vendo como se van desenvolvendo as actividades deste mes respecto ao Día do libro. Os alumnos de 1º da ESO visionaron e comentaron o cortometraje de animación: "Los libros voladores del señor Morris Lessmore"  de E. Willian Joyce, premiado cun oscar ao mellor corto animado no ano 2011, no que se salienta a importancia dos libros nas nosas vidas. Podedes disfrutar del facendo clic aquí.





13 abr 2016

"CONFERENCIA MEDIOAMBIENTAL" DOS ALUMNOS DE 3º ESO.

Dentro do  proxecto que os alumn@s de 3º da ESO, orientados por un grupo de profes e profas, están levando a cabo sobre os impactos medioambientais, celebróuse no Fontem Albei unha conferencia protagonizada polo alumnado de dito curso. Por parellas, micro en man e perfectamente ataviados, todo hai que decilo, presentaron os seus proxectos. As temáticas que traballaron versaron sobre a contaminación da auga, contaminación do aire, deforestación, destrución do medio natural, diminución da biodiversidade, xeración de residuos, quencemento terrestre e  incendios forestais. 
Todos estaban baixo a atenta mirada dun público disposto a votar á mellor política ecolóxica, xa que algúns estaban formalmente acreditados como "eurodiputados" e serían os encargados de dirimir sobre cal sería a proposta gañadora. Pero tamén expresaron o seu  xuízo algúns profes que, baixo serios criterios de avaliación e rúbricas, decidirían si os poñentes eran ou non competentes na materia. Todo moi profesional pero tamén moi divertido porque os nervios que presentaban os poñentes nas horas previas ao evento, foron quedando olvidados e o humor fixo acto de presencia no debate posterior.
Os nos@s particulares conferenciantes demostraron unha boa capacidade oratoria, así como unha gran creatividade nalgunhas das posibles solucións aos problemas medioambientais.


Exposición de material bibliográfico sobre os temas a tratar na conferencia que podedes atopar na biblioteca .


En breve estarán as fotos do cumio no Facebook do instituto.