16 dic. 2015

BOAS FESTAS E AGRADABLES LECTURAS...

Que mellor agasallo, para un mesmo e para os demáis, que disfrutar tranquilamente dun bo libro ou dunha película. Aquí  deixamos algunhas das vosas recomendacións   para  aproveitar no Nadal.





Algunhas das  referencias dos libros que recomendastes para iste Nadal están "colgadas" da árbore que fixeron os alumn@s de 3º da ESO e de 1º de Bac, aproveitando as "mans violetas" do Día contra a Violencia de Xénero. E que somos así de apañadiños...








Que borrosos... quen son?


As pelis que están no andel central da biblioteca, na exposición de "Dereitos Humanos e cine", son una moi boa opción para levar a casa nestas vacacións. E tamén tedes una escolla de libros xunto a nosa particular árbore navideña.














LLLLLLLLLLLLLLLLLLLLLLLLLLLLLLLLLLLLLLLLLLLLLLLLLLLPDDD



13 dic. 2015

DEREITOS HUMANOS E CINE




O cine entretén, emociona, entristece, pero tamén nos fai pensar e reflexionar sobre o mundo; de aí que sexa un bo recurso educativo para sensibilizarnos sobre dereitos sociais.
Neste 10 de Decembro, Día Internacional dos Dereitos Humanos, presentámosvos unha escolma de películas, que tedes á vosa disposición na biblioteca, para que, ademáis de pasar un bo rato, pensemos na importancia duns dereitos naturais que deberían ser sempre obxecto de respecto por parte de todos e en todas partes.


 Cada un dos 30 artigos da Declaración Universal dos Dereitos Humanos vai acompañado de recomendacións cinéfilas que, como xa estamos preto do Nadal, podedes disfrutar no voso tempo de lecer.
Podedes curiosear as distintas películas escollidas  e atopar información sobre a historia dos Dereitos Humanos na exposición da biblioteca.
 Animádevos a levar algunha para Nadal!!!








 


26 nov. 2015

 

A NÓS SI NOS IMPORTA....      

e por iso o 25 de Novembro levamos algo violeta para solidarizarnos coas vítimas da violencia de xénero, unha vergoñenta lacra social.

Corenta e oito mulleres mortas a mans das súas parellas ao longo do 2015. Mortes que simbolizan a morte da dignidade humana.

 


No corredor do instituto recordamos os nomes das coerenta e oito vítimas da violencia de xénero en España no 2015.
.






 

 

 

 

 

 

 

  Alumnos e alumnas de todos os cursos "decoraron as súas mans violetas" con símbolos e mensaxes contra a violencia de xénero. 



 

 

 

 

 

 

 


 

  

 

Todos queremos Amores que non matan e para que así sexa, o alumnado de 3º da ESO propón valores para as relacións saudables. "Quérote sen violencia cando..."



 

17 nov. 2015

O DÍA MUNDIAL DA FILOSOFÍA

A UNESCO propuxo que  cada 3º xoves do mes de Novembro se recordaría a importancia da Filosofía como "disciplina que estímula o pensamento crítico e independente, e é capaz de traballar en aras dun mellor entendemento do mundo, promovendo a paz e a tolerancia".
 Para conmemorar este 19 de Novembro, convocamos o concurso: "Pensamentos en imaxes", dirixido @s alumn@s de 1º de Bacharelato. Para concursar deben presentar un aforismo dun pensador e buscar unha imaxe (foto, viñeta, debuxo...) que explique ou aclare o sentido da mesma. Ademáis deben engadir unha breve explicación do mesmo.
O xurado será o departamento de Filosofía e os alumnos de 2º de Bacharelato. Os gañadores serán "premiados académicamente".

 


6 nov. 2015



Chegou Halloween ao IESP Fontem Albei e  a  nosa biblioteca  vestíuse de misterio e terrorrrrr!!!








Ademáis fixemos unha selección de libros para que as vosas lecturas estiveran cheas de tremores e temores. Entre outras: "Asústate Merche! de Fina Casalderrey, "As mans do medo" de Xosé Miranda, "Crónicas de la Torre" de Laura Gallego e  tamén  obras de Ágatha Christie, de Stephen King...









Incluso as portas do noso centro escondían escuras mensaxes...



E os alumnos e alumnas de plástica expuxeron no Rincón dos Artistas estas marabillosas caveiras:

25 oct. 2015

Para ilustrar a "viaxe" que fixeron os alumnos de 1º da ESO para coñecer a biblioteca, eles mesmos elaboraron un cartel que  estivo exposto á entrada da mesma:

























22 oct. 2015

NO MES DE OUTUBRO, MES DAS BIBLIOTECAS ESCOLARES, OS ALUMNOS DE 1º DA ESO VAN DE "VIAXE"...

Este curso, celebramos o mes das bibliotecas escolares cunha viaxe moi especial. Os alumnos e alumnas de 1º da ESO "voarán" pola biblioteca para coñecer os segredos que se agachan nela. Os guías de tal viaxe serán os nosos ilustres axudantes de biblioteca, voluntariosos alumnos e alumnas doutros cursos que lles axudarán a explorar os máis recónditos lugares. Explicaránlles cómo funciona a biblioteca, entregaránlles os carnés e incluso lles falarán dalgunhas obras que leron. Ademáis todos terán algún pequeno agasallo.
Esperamos que descubran que "os libros son paxaros con cen ás para voar"!!!

15 sept. 2015

Estamos de volta!

Afonsa está de volta. Xa nos tardaba empezar o curso. Estamos desexando empezar a disfrutar dos libros e novidades deste curso.
Bo inicio!

23 jun. 2015

Bo Verán e boas lecturas

Hoxe foi o día de entrega de notas e de levar libros prestados para o verán. Foi moi agradable ter a biblioteca a pleno rendemento toda a mañá.
Afonsa espera que pasedes un verán cheo de boas lecturas.
Vémonos en setembro!



19 jun. 2015

"Os camiños do tempo.O documental"

Hoxe que estamos de fin de curso, tivemos a estrea do documental "Os camiños do tempo". Despois de facer a estrea no CGAI na Coruña o pasado día 12 de xuño, hoxe tocou mostrar o traballo na Fonsagrada. E como nos encanta compartilo, para todos aqueles que o queirades ver... Aquí o tedes! Podedes velo facendo click  AQUI



18 jun. 2015

Lecturas para o verán

Xa chega a época estival e Afonsa quere que pasedes unhas vacacións lectoras o mais divertidas posibles.
Na entrada da biblioteca tedes recomendacións literarias para o verán, e recordade que dentro da biblioteca tedes moitísimos libros moi interesantes e divertidos que podedes levar para ler no verán!


1 jun. 2015

O rincón dos artistas

Non tiñamos ningunha dúbida de que os nosos alumnos eran uns verdadeiros artistas. E como queriamos compartilo fixemos o noso propio "Rincón dos artistas" Fixádevos que traballos tan incribles!



18 may. 2015

Tres pezas de Xosé Filgueira Valverde

Onte celebrouse o Día Das Letras Galegas e nós hoxe queremos recordar a "O vello profesor" con estas tres pezas breves que escribiu e que son de gran beleza.
Seguro que vos van gustar.



13 may. 2015

Filgueira Valverde e as Letras Galegas

Este ano o 17 de maio, Día das Letras Galegas está adicado á figura de Xosé Filgueira Valverde, pontevedrés escritor, erudito,intelectual e investigador, coñecido co alcume de "O vello profesor".
Se queredes coñecer un pouco máis sobre a vida e obra do homenaxeado deste ano, podedes facelo con vídeo que está a continuación.





23 abr. 2015

Día do libro. Libre cun libro.

Como cada 23 de abril festexamos o día do libro. Este ano o lema que puxemos é "Libre cun libro" pois os libros fannos libres. E a ti, que libro te fixo libre? Ánimate a compartilo  no panel que está á entrada da biblioteca.


21 abr. 2015

Achádego dun manuscrito antigo

Xa todos sabemos que A Fonsagrada é unha terra chea de cousas marabillosas. E a todas elas vense a sumar o achádego dun manuscrito en coiro. Todo fai pensar que se trata dunha peza de hai 500 anos.
Varios expertos prestáronse voluntarios para investigar e descifrar de que se trata.

Así se recolle a nova no xornal El Progreso.



20 abr. 2015

Chegou a primavera

Afonsa notou a chegada da primavera e ten un aire renovado despois do longo e branco inverno.
¿Ainda non viches o bonita que está?
¿A que esperas?E ademais poderas ver no andel de novidades todos os volumes novos que chegaron despois das vacacións do 2º trimestre.
Esperámoste!





6 mar. 2015

8 de marzo no Fontem Albei

Dende o Fontem Albei querémonos unir á celebración do Día da Muller. E queremos adicarlle especialmente este día ás mulleres escritoras, xa que elas coas suas obras e pensamentos empezaron a cambiar o mundo.
Fixemos un mural cos nomes de mulleres escritoras relevantes das que tiñamos libros na biblioteca e tamén creamos un panel de pensamentos, para que ademáis dos pensamentos das mulleres elexidas puideran estar os nosos propios pensamentos.
Tamén os alumnos de 4º de PDC fixeron un mural-exposición sobre qué dereitos foron adquirindo as mulleres ao longo dos últimos 40 anos.
 A actividade se prolongará ao longo de toda a semana que ven.

Non dubidedes en participar.






8 de marzo. Día internacional da muller

Aló polo 1857 un grupo de obreiras en Nova Iorque decidiron saír á rúa para facer unha protesta polas condicións miserentas nas que estaban a traballar.
Dende ese momento houbo mais movementos de protesta e folgas protagonizadas por mulleres reivindicando a igualdade salarial, a xornada laboral de 10 horas e ter tempo para poder amamantar aos seus fillos.

En 1910 na Segunda Conferencia Internacional de Mulleres Traballadoras que se celebrou en Copenhague máis de 100 mulleres aprobaron que se declarase o 8 de marzo como Día Internacional da Muller Traballadora. Actualmente celébrase o Día da Muller cada 8 de marzo.

Parece incrible que cambiaramos de século pero as mulleres sigamos coas mesmas reivindicacións. As mulleres seguimos na loita.

Guadi Galego soubo plasmar perfectamente esta loita contínua das mulleres na sua canción Matriarcas  que podedes ver a continuación.

Esperemos que co paso dos anos podamos conseguir unha igualdade social entre homes e mulleres.



24 feb. 2015

Día de Rosalía

Hoxe celébrase o 178 aniversario do nacemento de Rosalía de Castro. A gran escritora galega está presente no doodle de google de hoxe, como homenaxe de celebración do seu día. Dende o Fontem Albei tamén nos sumamos á celebración. Parabens Rosalía!!



11 feb. 2015

San Valentín

Xa está todo listo para o San Valentín. Na entrada do Instituto tedes o buzón para o II Certame de cartas de amor, do que tedes as bases nas vosas clases, e o buzón de San VAlentín para que poidades enviar todas esas misivas de amor que se encargarán de repartir os "Mensaxeiros do Amor" de 2º BACH.
Animádevos a participar e que viva o amor!



1 feb. 2015

Personalidades agochadas nos códigos BIDI

Alguén sabe por qué hai tantos códigos BIDI polo Instituto? Que é o que está a pasar?....Misterio misterioso.....


30 ene. 2015

Que é para ti a paz?

Podería parecer un día calquera na biblioteca, pero en Afonsa estaba a empezar un debate interesantísimo sobre a paz. Queres ver o que pasou? Pois poderas sabelo cando vexas o seguinte vídeo.


O panel da Paz

Lucía, Alba e Rubén quixeron facer un panel especial para a paz. Para elo primeiro fixeron pombas da paz collendo as suas mans como plantilla. Despois de recortalas e deixalas bonitas, cada un colleu unha delas e escribiu a sua mensaxe de paz.
Pero como saben que a paz tamén empeza por compartir, decidiron facer pombas para que os seus compañeiros puideran deixar tamén as suas mensaxes de par no Panel da Paz.
Parabens aos tres polo seu traballo e a sua iniciativa!









Quen probou co seu móbil os códigos QR?

Coa morea de códigos QR que hai polos corredores seguro que a alguén lle picou a curiosidade para ver que é o queu agochan detrás...