CELEBRACIÓN DO DÍA DO LIBRO 2010

O venres 23 de abril a comunidade educativa do IES Fontem Albei da Fonsagrada celebramos o día do libro. Entre as actividades que realizamos destacan unha exposición de libros antigos aportados na súa meirande parte polo alumnado ainda que tamén colaborou o profesorado. Outro acto salientable foi o maratón de lectura protagonizado polos rapaces do Primeiro e Segundo Ciclo da ESO intercalado con poemas musicados. A xornada resultou moi amena e aínda estamos a desfrutar da mesma pois a exposición que titulamos "Libros Vellos, Bellos Libros" permanecerá na nosa Biblioteca "Afonsa" ata a vindeira semana.

Dende o equipo de Dinamización da Biblioteca, moitas grazas a todos os que fixestes posible esta festa dos libros e da lectura.

Aquí vos deixamos algúns dos poemas musicados que se leron e se escoitaron:

ABRIL: MES DO LIBRO. A LER!!!

Abril está considerado como o mes do libro. O día 23 deste mes é simbólico para a literatura universal xa que ese día en 1616 faleceron tres grandes xenios da literatura universal: Shakespeare, Cervantes e Inca Garcilaso de la Vega. A conferencia xeral da UNESCO celebrada en París en 1995, decidiu rendir unha homenaxe aos libros e os autores establecendo esa data tan sinalada como o "Día Mundial do Libro e do Dereito de Autor". A iniciativa dese mesmo organismo, en 2001 Madrid foi nomeada Capital Mundial do libro. Dende entón diferentes capitais do mundo acolleron esta celebración. Este ano 2010 foi nomeada Ljublijana.

En España tómase esta data para a entrega dos Premios Cervantes, o maior galardón das letras hispánicas. En Catalunya celébrase o Día de Sant Jordi no cal as persoas intercambian e agasallan á súa parella con rosas e libros.

Build your own custom video playlist at embedr.com

Aquí van uns vídeos coa historia do libro e da escritura:

Build your own custom video playlist at embedr.com