3 ene 2024

Feliz ano e reunión lectora :)



Ola xente lectora,
O primeiro, desexarvos unha moi feliz entrada de ano.
...e tamén un moi feliz resto de ano ;)
Seguramente aínda esteades a apurar os derradeiros días de excesos e descanso pero eu quería escribirvos xa para que cando volvades ao instituto xa teñades esta mensaxe dispoñible.
Quedaramos en rematar o fragmento 4 do Diario e eu xa o acabei. Non vos preocupedes se vós non, as vacacións son así. Xa iremos collendo ritmo e poñéndonos ao día ;)
Non sei se vos fixastes que a última entrada do libro corresponde ao día 7 xaneiro de 1944.
Estiven pensando que creo que é unha maneira xenial de pechar esta lectura conxunta e que quen queira que siga léndoo pola súa conta. Tedes unha copia da obra na biblio e hai pdfs por internet xa que os dereitos de autor están caducados.
Anímovos a que continuedes e me vaiades contando que vos parece.
Como grupo quero que empecemos novas lecturas este ano. Pensei que a seguinte podía ser un relato. Encantaríame que me suxerírades algúns.
Sei que os relatos son máis rápidos de ler e coa de cousas que temos todos quizais sexa mellor opción.
Que vos apetece? fantasía? medo? autobiografía? ficción contemporánea? algo clásico? deixádeme vosas suxestións en comentarios :)
Tamén quero que nos reunamos para comentar os últimos dous fragmentos do Diario. Pensei que o mércores 17 pode ser boa data. (Coméntanme que hai excursión ese día, así que quedamos para XOVES 18)
Me podedes ir dicindo se vos vai ben e xa vos confirmo que sexa esa a data.
Ata ese día aproveitade moito e pasádeo ben.


Un abrazo bibliófilo.
Fonsita :)

25 nov 2023

Fragmento 3

 

Ola xente lectora,


Os habitantes do anexo levan xa un ano pechados e o desánimo e o mal humor fan diana neles. Ana síntese atacada constantemente e trata de atopar consolo no pai. Faime moita graza como Ana non aforra ao lector os pormenores que suceden no baño tanto a ela como ao resto do grupo. Os libros non adoitan falar destas cousas e creo que lle confire naturalidade ao texto.
Seguen estudando e aprendendo. Tamén respectan a hixiene e o rizado do pelo, outra cousa que me chama a atención pois creo que no seu lugar hai tempo que me movería polo piso cun moñete en todo o alto.

Os habitantes teñen tamén ás veces pensamentos positivos pois parece que algúns estudantes holandeses apoian a causa xudía. Os italianos proscribiron o partido fascista e o pobo italiano os combate en moitos lugares. Parece que, igual que a todos nós, as malas sensacións mestúranse coas boas e hai días de todo tipo.

E a ti, como che vai coa lectura? Podes lembrar que obxecto lles reclaman as autoridades aos civís e os do piso non queren soltar? E o inconveniente que teñen co gato? desfaise dos ratos si pero que lles deixa a cambio?

E dinos, que crees que che consolaría a ti se estiveses atrapado como os nosos protagonistas?
Anímate a escribir unha nova entrada de diario e a comentar estas preguntas e que che está gustando e non desta experiencia lectora.

Os habitantes teñen tamén ás veces pensamentos positivos pois parece que algúns estudantes holandeses apoian a causa xudía. Os italianos proscribiron o partido fascista e o pobo italiano os combate en moitos lugares. Parece que, igual que a todos nós, as malas sensacións mestúranse coas boas e hai días de todo tipo.

E a ti, como che vai coa lectura? Podes lembrar que obxecto lles reclaman as autoridades aos civís e os do piso non queren soltar? E o inconveniente que teñen co gato? desfaise dos ratos si pero que lles deixa a cambio?

E dinos, que crees que che consolaría a ti se estiveses atrapado como os nosos protagonistas?
Anímate a escribir unha nova entrada de diario e a comentar estas preguntas e que che está gustando e non desta experiencia lectora.


Un abrazo e boas lecturas😃

16 nov 2023

Reunión do club e novo fragmento

 Ola lestor@s,

Encantoume reunirme convosco a comentar o libro e a comer galletas. 

Contáchedesme un pouco as vosas impresións e me transmitíchedes que iades tentar seguir coa lectura.

Parece que todos nos sentimos sorprendidos polo estudosa e constante que era Ana. Tamén nos fixo graza o do penico da señora Van Daan.

Así que imos seguir co Diario.

Deixareivos un novo fragmento en consergería para que poidades ler ao longo da semana que vén. 

Non volo perdades e seguimos comentando!!!

Un abrazo e boas lecturas :)

12 nov 2023

Reunímonos no recreo do mercores 15 novembro

 

Reunímonos na recreo do mércores 15 de novembro. Achégate a biblioteca a comentar os dous primeiros fragmentos do Diario de Ana Frank. 

Esperámosvos :)

5 nov 2023

Comentamos o Fragmento 2

 Ola lector@s,

Como foi esta semana de lectura? A historia xa vai avanzando e Ana cóntanos como se sinte no refuxio e con respecto a cada un dos seus membros.

A miña parte favorita desta semana foi a historia da rabieta de Peter por non obter o permiso para ler o libro prohibido. Síntome moi identificado con el pois non me gustaría que me prohibisen ler nada. 

Na célebre obra Farenheit 451 a lectura de libros está prohibida e a pouca xente que le o fai a escondidas e poñendo en perigo a súa integridade. 

Eu creo que se prohibísemos a lectura as persoas lerían máis. Somos espíritos de contradición. 

Que pensades vos:?

1- Coñecedes a obra Farenheit 451? Vos chama a atención? Credes que leríamos máis se fose unha activide prohbida?

2- Cal é o castigo que impón o goberno holandés aos saboteadores?

3- Que sinte Ana cando, tras ano e medio, relé o escrito nos primeiros tempos escondidos?

4- Que che parece a lectura deste Diario? Sentes empatía por Ana? Entendes os seus sentimentos cara a súa nai, irmá e pai? 

5- Se te sentes inspirad@ escribe a túa propia entrada de Diario  


Carl Spitzweg - Der arme Poet (Neue Pinakothek) Imaxe da Wikipedia

29 oct 2023

Seguimos lendo

Ola lectores,

Seguimos lendo. A partir de mañá teredes dispoñible o fragmento dous do Diario. Se queredes comentar algo máis do primeiro fragmento podedes facelo na entrada anterior. Animádevos a compartir as vosas opinións. 

Un saúdo e boas lecturas



22 oct 2023

Esta semana comentamos o primeiro fragmento

 

Empezamos a comentar: Fragmento 1 (páxinas 21-47)

Ola lectorxs, Como foi vosa primeira fase de lectura? Habédesvos enganchado ás desventuras de Ana? Eu moito e iso que xa é a terceira vez que o leo. Unha anécdota que non lembraba e encantoume foi a do profesor que castiga a Ana por paroleira. Paréceme que todos nós temos moito que aprender da actitude de ambos.

El castígaa con moito sentido do humor e ela tómallo coma un reto. Os dous aprenden e melloran co ocorrido.

É así como vos reprendemos? Temos os profesores do Fontem Albei a arte do Sr Kepler? E vosoutros? Tendes a mesma capacidade de autocrítica? Encantaríame que vos animásedes a contar algo que atoparades chamativo e por que. Tamén podedes contestar algunha das seguintes preguntas:


1-Que é o sionismo?

2-Está Ana namorada?

3-Cantas persoas planean esconderse no refuxio? Quen?

4-Que actividades lles están vedadas aos xudeus?

5-Que estraño obxecto leva con ela a señora Van Daan? Que levarías ti?

6-Escribe a túa propia entrada de diario e compártea connosco. (Se sentes que é demasiado persoal para compartila estarei encantada de recibila en man. Prometo gardar o segredo)


Lembrade; estaremos a comentar toda a semana--- Do luns 23 ao domingo 29

A seguinte semana (Do luns 30 ao venres 3) poderedes recoller GRATIS en conserxería o seguinte fragmento.
Subscribídevos para seguir as noticias do club de lectura e deséxovos bos libros 😆💗😆😊