O video de Justa Señor do Día da Muller Traballadora,  elaborado pola profe de Plástica Mª José, o podedes ver dende aquí. En breve teremos o video da charla con Justa e Esperanza Abelairas.

DÍA DO LIBRO: DON QUIJOTE NO FONTEM ALBEI (II)

E seguimos a conmemorar o Día do Libro...

No Fontem Albei, o venres 22, levóuse a cabo unha lectura ininterrompida do Quijote, organizada polo departamento de Lingua Castelá, durante toda a mañá. Os alumn@s  leron por grupos, dous minutiños cada un, e no recreo tocóulles o turno aos profes e profas.

Como telón de fondo tiñamos a exposición que o Equipo da Biblioteca fixo sobre Cervantes, O Quijote e as viñetas de Forges sobre estos personaxes. Tamén sacamos os fondos da  nosa biblioteca sobre a vida e obra de Cervantes, as súas obras e todo o relacionado con elas para a exposición . Ata tiñamos muíños de vento!!!. Un deles xa estaba no centro e os outros dous foron obra de laboriosas alumnas de 1º da ESO.

Deixámosvos algunhas das fotos da celebración. Podedes velas todas próximamente no Facebook do instituto.

O alumnado de 1º da ESO deixou constancia do significado que ten a lectura nas súas vidas.

DÍA DO LIBRO: CERVANTES, O QUIJOTE... E FORGES (I)

Neste mes de Abril temos unha conmemoración moi especial pois o 23 celébrase o Día do libro. E xa que este ano 2016 cúmplese o IV Centenario do pasamento do noso escritor en Lingua Castelá máis ilustre, Miguel de Cervantes Saavedra (1547-1616), dende Afonsa aproveitaremos para recordar a súa vida e obra, especialmente  a súa obra máis coñecida e recoñecida, Don  Quijote de la Mancha.

Polo tanto, o Día do libro no Fontem Albei terá como protagonistas a Cervantes, ao cabaleiro Don Quixote e o seu fiel escudeiro e tamén a alguien que retratou, e sigue facendoo de forma marxistral, a estos personaxes. Referímonos a Forges. 

Durante todos os anos que leva publicando as súas viñetas no diario El País, Forges describiu infinidad de veces tanto  a Quixote e a Sancho como ao seu creador. A través de tan ilustre parte da nosa literatura cóntanos problemáticas do presente, acercando a cultura literaria ao humor e á información máis actual.
Sendo o noso obxectivo principal fomentar a importancia da lectura entre o noso alumnado, pensamos que igual a través do humor non sería mal camiño para coñecer un pouco máis a istes personaxes literarios e de aí que estemos preparando unha mostra das viñetas de Forges. Buscando as viñetas de Forges sobre O Quixote, atopamos unha exposición da Biblioteca da Universidade Complutense de Madrid, moi interesante e que podedes ver aquí.

A nosa será máis modestiña pero esperamos que sirva igualmente para acercar aos nosos lectores a ditos personaxes e á importancia da lectura en xeral.

Iremos vendo como se van desenvolvendo as actividades deste mes respecto ao Día do libro. Os alumnos de 1º da ESO visionaron e comentaron o cortometraje de animación: "Los libros voladores del señor Morris Lessmore"  de E. Willian Joyce, premiado cun oscar ao mellor corto animado no ano 2011, no que se salienta a importancia dos libros nas nosas vidas. Podedes disfrutar del facendo clic aquí.

"CONFERENCIA MEDIOAMBIENTAL" DOS ALUMNOS DE 3º ESO.

Dentro do  proxecto que os alumn@s de 3º da ESO, orientados por un grupo de profes e profas, están levando a cabo sobre os impactos medioambientais, celebróuse no Fontem Albei unha conferencia protagonizada polo alumnado de dito curso. Por parellas, micro en man e perfectamente ataviados, todo hai que decilo, presentaron os seus proxectos. As temáticas que traballaron versaron sobre a contaminación da auga, contaminación do aire, deforestación, destrución do medio natural, diminución da biodiversidade, xeración de residuos, quencemento terrestre e  incendios forestais. 

Todos estaban baixo a atenta mirada dun público disposto a votar á mellor política ecolóxica, xa que algúns estaban formalmente acreditados como "eurodiputados" e serían os encargados de dirimir sobre cal sería a proposta gañadora. Pero tamén expresaron o seu  xuízo algúns profes que, baixo serios criterios de avaliación e rúbricas, decidirían si os poñentes eran ou non competentes na materia. Todo moi profesional pero tamén moi divertido porque os nervios que presentaban os poñentes nas horas previas ao evento, foron quedando olvidados e o humor fixo acto de presencia no debate posterior.

Os nos@s particulares conferenciantes demostraron unha boa capacidade oratoria, así como unha gran creatividade nalgunhas das posibles solucións aos problemas medioambientais.

Exposición de material bibliográfico sobre os temas a tratar na conferencia que podedes atopar na biblioteca .

En breve estarán as fotos do cumio no Facebook do instituto.

HOMENAXE A JUSTA SEÑOR. DÍA DA MULLER. (III)

 Por fin puidemos facerlle a merecida homenaxe a Justa Señor!!!

Debido a problemas de saúde tivemos que pospoñela pero mereceu a pena esperar porque resultou un intercambio interxeracional moi interesante. Justa, aos seus 90 anos, contóunos como transcurría un día na súa "vida de muller" cando era nova e se ocupaba das labores da casa e máis de axudar ao seu pai na ferrería.
Esperanza Abelairas, outra muller da Fonsagrada que adicou parte da súa vida a transmitir os valores culturais  a través do Museo da Fonsagrada, demostrou ser unha boa oradora e coñecedora dos moitos bens históricos etnográficos e etnolóxicos  desta terra.

A nosa homenaxe a Justa Señor saíu na prensa!! Aquí vemos a nosa compañeira Gloria, do Equipo da Biblioteca, xunto a Justa e Esperanza.

Ao final entregámoslles uns agasallos para que, ademáis do recordo sentimental da nosa homenaxe, teñan tamén un detalle material deste acto.

Graciñas por vir e ensinarnos tanto das vosas interesantes vidas de mulleres!!!

Podedes ver máis fotos da homenaxe no facebook do instituto.

HOMENAXE ÁS NOSAS MULLERES: JUSTA SEÑOR, UNHA "MULLER DE FERRO" (II)

Visible tamén queremos que sexa outra muller da Fonsagrada que durante unha década, fai agora uns 90 anos, adicóuse a unha profesión considerada masculina. Justa Señor, natural de A Graña (Carballido) foi ferreira. Si non foi a única, unha das poucas... porque pese á grande produción de ferreiros na zona de Carballido, non atopamos referencia histórica algunha sobre mulleres traballando o ferro. Dende os 16 anos traballou co seu pai, que exercía de ferreiro. Tiña varios inmáns, todos varóns, polo que ademáis de axudarlle ao seu pai, tocáballe  o traballo da casa, naquela época relegado ás mulleres.  

Pouco lle importaron os prexuizos sociais arredor dunha muller con profesión de homes. Ela , con poucas palabras, define moi ben isto: "se fora home, sería ferreiro". Cando casou deixou de axudar ao seu pai diariamente pero nunca olvidou o seu apego a ista profesión e volvía sempre cando o traballo na ferrería o requería.

A idea de Gloria, compañeira do Equipo da Biblioteca, de facerlle unha merecida homenaxe a Justa, neste 8 de Marzo do 2016,   íbase a levar a cabo e xa tíñamos todo listo pero non se atopa ben de saúde polo que consideramos cambiar a data para un pouquiño máis adiante.

Aínda que ela non esté aquí hoxe, nós homenaxeámola do mesmo xeito xa que temos a exposición con fotos e detalles da súa vida que fomos recopilando e que está á entrada do instituto.

Ademáis, a profa de Plástica, Mª José, montou un video sobre  a vida de Justa con música de birimbao. 

Esperámos que cando veña a ilustrarnos sobre a súa gran vida de muller lle guste a nosa pequena homenaxe!!! 

DÍA DA MULLER, HOMENAXE ÁS NOSAS MULLERES (I). 

Todos os 8 de Marzo, e todos os días do  ano, vimos reivindicando os dereitos das mulleres, a igualdade no traballo, no fogar, na parexa, na sociedade... e destacando ás mulleres que fan  que esa loita sexa visible. Nesta ocasión tamén o faremos e serán @s alumn@s os encarcados de salientar as virtudes desas mulleres que teñen moi preto aínda que ás veces pase inadvertida a súa grande aportación á familia e á sociedade.

 É unha homenaxe ás nosas mulleres; a esas nais, avoas, tías, amigas... que contribúen día a día co seu traballo incondicional, adicación altruísta e coidado sen límites ao noso crecemento como persoas.

O alumnado de 1º, 2º e 3º da ESO deixaron o seu agradecemento por escrito nunhas tarxetas que de seguro deixarán bo sabor de boca ás mulleres que as reciban. Ata que sexan entregadas ás súas destinatarias estarán expostas no panel da entrada do centro.

A profe de Plástica, Mª José, e os seus alumnos fixeron un bo traballo elaborando iste video sobre estas mulleres do entorno de Fonsagrada, que podedes visionar facendo clic  aquí.