Despois dun ano 2015 tan turbulento no que a terror, odio, extremismos... se refire, dende o IESP Fontem Albei intentamos ir construíndo entre todos un espazo no que estén presentes a empatía e a tolerancia para contribuír a que a Paz sexa algún día cotidiá.
Para conseguilo, "miramos" as situacións de violencia que están a suceder no mundo para non ser cómplices coa nosa indiferencia. Dende as titorías, todos os cursos andan a comentar unha escolla de corenta "imáxes da guerra", poñéndonos así coa nosa "mirada" no lugar dos que sofren o horror da violencia, da fame, do terrorismo...
Coas palabras dos poemas pola Paz, cos símbolos debuxados pol@s alumn@s, e sobre todo coas ganas de deixar moi claro que queremos un mundo mellor, a nosa mensaxe está a quedar impresa
na máis bela das palabras: PAZ.
Cando rematemos a nosa "construcción" exporemos o resultado á entrada do centro xunto coas imaxes da guerra contadas e comentadas.
No hay comentarios:
Publicar un comentario