Día da Muller e a Nena na Ciencia

 Para celebrar o Día da Muller e a Nena na Ciencia, desde a Biblio propuxemos unha actividade que consistía en caracterizarse como unha muller científica e este foi o resultado:

Concurso Chíos de amor

A partir da Candeloria ningunha ave voa soa.

Hoxe, 2 de febreiro, é o Día da Candeloria. Para o celebrar o mes do amor, o preludio da primavera, cando casan os paxariños... organizamos o concurso Chíos de amor. Consiste en crear unha mensaxe de 280 caracteres onde expreses que é para ti o amor e mesmo pode estar ilustrada. O prazo para participar vai desde hoxe até o 14 de febreiro, Día dos Namorados. 

Aquí embaixo podedes ler as bases.

Novidades do mes de febreiro

 Comeza o mes do Entroido e traemos novidades!!! Para alén do último número do Papagaio, presentámosvos:

- O moucho voa, de Miguel Vázquez Freire: Un libro para introducirnos na Filosofía.

- Negras, de Daniel Asorey: Un poemario crítico coa realidade, inconformista e rebelde.

- Las aventuras de Arsene Lupin, ladrón y caballero, de Maurice Leblanc: O máis perigoso ladrón de toda Francia foi capturado pola Policía, mais isto non é un impedimento para que o cabaleiro ladrón siga coas súas aventuras. 

- As malas mulleres, de Marilar Aleixandre: Ficción, mais tamén se fala dunha época na que se visibiliza o labor de figuras como Juana de Vega, Pepa a Loba ou Concepción Arenal e mesmo de vidas de mulleres encarceradas na prisión da Galera coruñesa.

- Non penses nun elefante rosa, Antía Yáñez: Novela que fala da saúde mental sen renunciar ao humor.

- Que me pare o corazón se te esquezo, de Andrea Maceiras: Nesta historia están presentes as luces e sombras das redes sociais, todas as verdades e mentiras que van compoñendo as stories, os vídeos e as fotografías  destinados a lograr unha perfección imposible, unha fama efémera, que se desfai coma fume entre os dedos pero que produce vertixe a quen a acada.

#DígochoLeu! Necesitamos o teu apoio

 No IES Fontem Albei estamos orgullosxs da lingua que falamos e por iso participamos no concurso que organiza o programa #DígochoEu. Aínda non viches o vídeo? Preme en cada unha das seguintes ligazóns para que o noso vídeo aumente as visualizacións !

Instagram: https://www.instagram.com/p/CnhJpZbKX61/

TikTok: https://www.tiktok.com/@digo.../video/7189612249936432390...

Youtube:
https://www.youtube.com/watch?v=vOpSnZGaVD4

Axúdasnos a difundilo? Pásallo ás túas amizades, comparte nas redes sociais... Así teremos máis oportunidades de gañar! #DígochoLeu

Moitas grazas!

Novidades do mes de xaneiro

Antes de nada... FELIZ ANO! Como vai esta primeira semana despois das vacacións de Nadal? Esperamos que con moitas forzas para o que nos queda por diante. 

Aínda non vistes as novidades da biblio deste mes? Non vos preocupedes, aquí volas deixamos:

- El infinito en un junco, de Irene Vallejo: Un percorrido pola historia dos libros desde o mundo clásico até a actualidade. 

- Xestas olímpicas, Héctor Cajaraville: Un libro para quen ama o deporte.

- Los cuadernos de Esther, Riad Sattouf: Novela gráfica sobre algunhas vivencias dunha adolescente francesa.

- Harry Potter y la filosofía, William Irwin e Gregory Bassham: Un libro que utiliza as historias de Potter para mostrar ideas de grandes pensadores.

- Que sabes da Guerra Civil e o franquismo?, Manuel Veiga Taboada: Acontecementos da nosa historia recente que aínda provocan fortes polémicas, mais tamén descoñecemento. Coñecer o pasado axúdanos a entender o presente. 

- Un geólogo en apuros, Nahúm Méndez: Un repaso pola historia do noso planeta desde antes da súa formación até o futuro da Terra desde un punto de vista xeolóxico. 

- Xornal O papagaio

Por cal che gustaría comezar?

Recomendacións literarias para o Nadal

Sabemos que o tempo de Nadal é para convivir, desfrtar, compartir, soñar, desconectar, viaxar... O equipo da biblio quere que fagades todo o anterior a través dos libros, por iso queremos facervos unhas recomendacións lectoras. Animádevos a pasar pola biblio antes das vacacións e escollede unha aventura para pasar o Nadal!

25N Día Internacional contra a Violencia de Xénero

    No día de hoxe, 25N, quixemos xuntarnos ao alumnado do CEIP Santa María e da Escola Infantil para sumármonos ás reivindicacións e mobilizacións que se están levando a cabo en diferentes partes do mundo. Porque máis alá das violencias máis visíbeis e extremas, como a violencia sexual ou os feminicidios, existen moitas outras que normalmente pasan desapercibidas, como a económica, a laboral, a institucional, a psicolóxica, a trata de persoas ou a obstétrica, entre outras.

    Por iso, consideramos que é urxente erradicar os piares que xustifican as agresións, as discriminacións, as desigualdades e os obstáculos que sofren as mulleres, as nenas e outros colectivos invisibilizados ou considerados fóra da norma xeral. 

    Esta mañá, gardamos un minuto de silencio por todas as vítimas e lemos o manifesto, o cal podedes escoitar no vídeo de embaixo. Ademais, durante esta semana estivemos traballando para crear un mural, onde o artista Amador Arias colaborou co deseño central e a quen lle queremos mostrar o noso fondo agradecemento. 

NIN UNHA MENOS!